9 këshilla që e bëjnë më të thjeshtë komunikimin me një fëmijë të llastuar
Fëmijët sillen keq për shumë arsye, por mërzia është më e zakonshmja. Ata e pranojnë që kjo sjellje nuk jep fryte të mira, veçanërisht nëse insistojnë vetë dhe përfundojnë duke marrë atë që duan.
Ndonjëherë arsyeja e mosbindjes së tyre është dëshira për të fituar besim, pasi fëmija të thotë “jo” është një nga mënyrat për të ndjerë se ai ka një farë kontrolli. Kështu, është e rëndësishme të dini se si të përballeni me këtë sjellje në mënyrë korrekte.
Ne do të donim ta bënim jetën tuaj pak më të lehtë si prind, kështu që këtu janë 9 këshilla për t’ju ndihmuar të parandaloni acarimet e lodhshme.
Tregojuni fëmijëve një qasje më të qetë për zgjidhjen e problemeve.
Fëmijët shpesh kopjojnë prindërit e tyre, prandaj duhet të ndikojmë në sjelljen e tyre duke i mësuar ata të kenë qetësi shpirtërore. Nëse ata shfryjnë në inat dhe ju filloni t’u bërtisni, atëherë kjo do të bëhet normë për ta. Në vend të kësaj, tregojuni atyre se si të përballen me emocionet ndryshe.
Ofrojuni atyre zgjedhje në mënyrë që ata të vendosin se çfarë dëshirojnë të bëjnë
Sipas mendimit të profesorit të asociuar Angie T. Cranor, duke i ofruar një fëmije një zgjedhje, ju jeni duke kënaqur nevojën e tij për tu ndjerë në kontroll të situatës. Pra, nëse i duhet të lërë lodrat dhe të lajë dhëmbët, pyete se çfarë do të donte të bënte më parë.
Merrni diçka të lehtë për të ngrënë me vete
Sjellja e keqe shpesh vjen nga uria. Pra, nëse ju dhe fëmija juaj jeni jashtë shtëpisë, të paturit diçka të lehtë për të ngrënë mund të parandalojë acarimet e mundshme dhe ta mbajë fëmijën tuaj në humor të mirë.
Paralajmëroni për pasoja të mundshme të pakëndshme
“Sepse kështu them unë” është një shpjegim i keq për një fëmijë kur ai nuk duhet të bëjë diçka. Gjithmonë përpiquni të flisni me të dhe të shpjegoni se çfarë mund të ndodhë nëse ai nuk bindet dhe pse nuk duhet të bëjë disa gjëra. Tërhiqni vëmendjen e tij për pasojat e veprimeve të tij në mënyrë që ai të mund të nxjerrë konkluzione dhe të marrë vendime më të mira në të ardhmen.
Krijoni një rutinë ditore për ta ndjekur dhe shpërblejini nëse e ndjekin atë
Ndihmoni fëmijën tuaj të organizojë një rutinë ditore. Për shembull, nuk ka TV pas një kohe të caktuar, lani enët, lani dhëmbët, shkoni në shtrat në kohë. Nëse dëshironi të bëheni krijues, vizatoni një plan mujor në dërrasë. Tregoni atij se ai do të marrë një shpërblim të zgjedhur nga ai nëse i përmbahet rutinës për një muaj të tërë (ose 1-2 javë).
Shkelja e rregullave duhet të pasohet nga ndëshkime logjike.
Në vend që të veproni sikur fëmija është i keq, mund t’i bëni me dije se e kuptoni atë dhe ndjenjat e tij. Meqenëse emocionet luajnë një rol të madh në sjelljen e një fëmije, është gjithmonë e rëndësishme t’i pranojmë ato. Për shembull, thjeshtë mund të thoni: “Unë e di që je zhgënjyer që nuk mund të shkojmë në plazh sot, por është koha e keqe. Le të bëjmë diçka tjetër së bashku për ta rregulluar këtë.” E gjithë kjo frazë mund të bëjë një ndryshim të madh tek ai.
Largoni vëmendjen e fëmijës
Sipas Akademisë Amerikane të Pediatrisë, disa fëmijë mund të ndihen të acaruar sepse janë mërzitur dhe nuk mund të mendojnë për ndonjë gjë më të mirë. Kështu, nëse gjeni diçka për ta bërë që do t’ua rrëmbejë vëmendjen dhe t’i argëtojë, atëherë mund ta orientoni të menduarit e tyre drejt diçkaje më të dobishme.
Provoni të kërkoni mendimin e tij për zgjidhjet e problemeve të ndryshme.
Pyeteni fëmijën nëse ka ndonjë problem apo diçka që e shqetëson. Nëse diçka nuk është në rregull dhe ai ju tregon për këtë, atëherë uluni dhe diskutojeni me të. Mundohuni të merrni mendimin e tij se çfarë mund të bëhet për të zgjidhur problemin. Nëse ai nuk ka një përgjigje, atëherë ndihmojeni pak. Por mos harroni, është e rëndësishme ta bëni atë të ndjehet sikur e ka gjetur vetë zgjidhjen. Është gjithashtu e rëndësishme ta përgëzoni për këtë.
Respektoni emocionet që fëmija po përjeton dhe përpiquni ta ndihmoni.
Në vend që të veproni sikur fëmija është i keq, mund t’i bëni me dije se e kuptoni atë dhe ndjenjat e tij. Meqenëse emocionet luajnë një rol të madh në sjelljen e një fëmije, është gjithmonë e rëndësishme t’i pranojmë ato. Për shembull, thjeshtë mund të thoni: “Unë e di që je zhgënjyer që nuk mund të shkojmë në plazh sot, por është koha e keqe. Le të bëjmë diçka tjetër së bashku për ta rregulluar këtë.” E gjithë kjo frazë mund të bëjë një ndryshim të madh tek ai, shkruan Shkolla e jetes.
