Zgjedhjet e 11 majit/ Berisha vijon fushatën me diasporën, sot takim me shqiptarët në Selanik

Ditën e sotme, në kuadër të fushatës elektorale për zgjedhjet e 11 majit, kryetari i Partisë Demokratike, Sali Berisha, do të zhvillojë një takim me shqiptarët që jetojnë në Greqi.

Në një njoftim zyrtar nga selia blu, bëhet me dije se takimi do të zhvillohet në Selanik, në orën 10:00.

Aktiviteti do të zhvillohet në adresën: Imperial Port, Convention Club Rr. 26 Oktovriou 59, 54627 Selanik.

Kujtojmë se më 23 shkurt, kryedemokrati ishte në Greqi në takim me shqiptarët në Athinë.