Mes shumë bisedave të përgjuara dhe të publikuara këto ditë në media, rezulton një fragment ku nga kabina e paraburgimit të Durrësit, Erion Veliaj, flet me bashkëshorten e tij, Ajola Xoxa, vëllain dhe personazhe të tjerë, të cilëve u jep detyra dhe orienton mbi formën se si duhet të sillen dhe qasjen që duhet të mbajnë në publik, lidhur me rastin e arrestimit të tij.
Në mjaft biseda radhitet dhe komunikimi mes dy bashkëshortëve të vënë nën hetim nga SPAK, Veliaj-Xoxa, ku dukshëm kryebashkiaku i Tiranës, pasi ka lexuar vendimin mbi 300 faqe të Gjykatës së Posaçme, ka parë aty disa mesazhe dhe dëshminë e një shtetasi të quajtur Marsel, i cili më parë ka shërbyer si shofer personal i Ajola Xoxës.
Në bisedën e përgjuar nga SPAK, Erion Veliaj nga paraburgimi i Durrësit, i shprehet Ajolës edhe për arkitektin Ols Efthimi, për të cilin i thotë se: “…pse Mandi (ish-shoferi Ajolës) duhet të pyesë Olsin “…kur do dalim, kur do shkojmë në Qerret, kur do zbresësh lart, kur do ikësh poshtë…”.
Por Ajola Xoxa, i thotë se këto mesazhe janë dërguar duke nënkuptuar për tarracën që po rregullonte dhe më pas ajo Ajola e pyet Veliaj: “…pse pyet…?, se çfarë muhabeti është ky që më bën…”.
Më pas Erjon Veliaj e pyet nëse i ka dhënë dorën prokurorit ditën e paraqitjes (e premte), por Ajola i thotë “Jo”.
Për këtë gjë, Erioni flet me një gjuhë fyese, duke i thënë se ai është qelbësirë dhe se nuk e meriton t’i japësh dorën, t’i flasësh me mirësjellje./Oranews
