Hulumtimet kanë treguar se në mëngjes ne jemi më produktivë. Ajo që ka më shumë rëndësi është gjëja e parë që bëni në mëngjes për t’ju shtyrë në një ditë productive.
Lëvizjet që bëni sapo të zgjoheni mund të përcaktojnë gjithë 24 orët tuaja. Ju nuk keni nevojë të ngriheni shumë herët ose të rrini në palestër për të qenë më produktiv.
E gjitha çfarë ju duhet të bëni është të ndryshoni disa nga zakonet tuaja dhe të rregulloni disa të tjera.
Çfarë duhet të bëni:
- Pini një gotë ujë
Pirja e një gote me ujë para kafesë ose çajit tuaj është mënyra më e mirë për të rinovuar trupin tuaj. Uji eliminon toksinat dhe aktivizon funksionin e sistemit të tretjes. Dehidrimi është një nga shkaqet më të mëdha që na bën të ndjehemi të lodhur. Kjo është arsyeja pse gratë e shëndetshme thonë se pirja e madje edhe një gotë ujë sapo të zgjoheni është një veprim shumë i zgjuar.
- Rregulloni shtratin tuaj
Kërkimet kanë treguar se njerëzit e suksesshëm shtrojnë shtratin e tyre çdo mëngjes para se të largohen nga shtëpia. Ndoshta ka të bëjë me ndjenjën e organizimit dhe rregullit. Sido që të jetë, ia vlen ta provoni.
- Qëndroni larg ekraneve
Mundohuni të mos shikoni fare në ekranin e telefonit tuaj celular. Lajmet dhe rrjetet tuaja sociale mund t’i kontrolloni më vonë, por jo sapo hapni sytë. Drita e ekranit mund të dëmtojë sytë tuaj pas gjumit.
- Kaloni ca kohë me veten
Shumë herë, vrapojmë në minutën e fundit për t’i kapur të gjithë, sepse shtypim përgjumjen në mënyrë të përsëritur. Pra, stresohemi dhe largohemi nga shtëpia me nxitim. Herën tjetër kur alarmi juaj do të fiket, merrni frymë thellë dhe përpiquni të ngriheni. Shpërblimi juaj do të jetë i paçmuar: ju do të gjeni pak kohë për t’i kushtuar vetes.
- Mbushni trupin tuaj me energji
Vendosni se cili aktivitet ju përshtatet sipas kushteve dhe filloni të ushtroheni! Nuk ka asnjë mënyrë më të mirë për të filluar ditën tuaj sesa vrapimi, yoga ose noti. Dhe lini që endorfina juaj t’ju japë argëtim dhe mirëqenie shtesë.
Zbatoni këto 5 hapa të thjeshtë në jetën tuaj të përditshme dhe do të krijoni zakone të shëndetshme që do t’ju mbushin me energji pozitive që nga orët e para të mëngjesit./albeu.com
