Gjykata e Vlorës ka vendosur masën e sigurisë “arrest me burg” për Shazi Ahmetajn, autorin e vrasjes së Altin Aliakjt, i cili u gjet na banesën e tij në lagjen “24 maji”, i vrarë.
Gjithashtu, në seancën e drejtuar nga gjyqtar Enkel Peza u caktua masa e sigurisë “arrest me burg” dhe për Mateo Kiptiu që ndihmoi autorin të largohej.
Kujtojmë se ngjarja e rëndë u bë publike më 19 shkurt.
46-vjeçari u gjet nga nëna e tij. Ai kishte një plumb në shpatull nga ana e majtë dhe një frakturë në kokë.
Lexo po ashtu
Mësohet se prej disa kohësh ai kishte qenë në Kosovë dhe sipas burimeve 46-vjeçarit i është mbajtur pasaporta në Kosovë, por kishte hyrë ilegalisht në Kosovës. Pas vrasjes i është marrë telefoni dhe i është zhdukur.
Dyshohet se ngjarja ka ndodhur disa ditë para se nëna e tij ta gjente pa jetë.
