Këtë të enjte vendi ynë do të ndikohet nga kushte atmosferike relativisht të paqëndrueshme. Moti parashikohet me alternime kthjellimesh e vranësira, të cilat hera-herës priten të jenë deri të dendura.
Reshjet e shiut me intensitet të ulët parashikohen të bëhen prezente në orët e mesditës deri në orët e pasdites, kryesisht përgjatë relieveve malore të ultësirës perëndimore dhe në verilindje të vendit.
Të lidhura
None found
Pas orëve të pasdites pritet ndërprerje e reshjeve në të gjithë territorin.
Era do të fryjë me drejtim Verilindje-Veriperëndim me shpejtësi mesatare 7 m/s, përgjatë vijës bregdetare e luginora era pritet të fitojë shpejtësi deri në 16 m/s.
Deti-Valëzimi në detet Adriatik dhe Jon i forces 2-4 ballë.
