U kap me armë dhe municion luftarak, arrestohet 43-vjeçari në Shkodër, autor i disa vjedhjeve në vend dhe në Malin e Zi (VIDEO)

Policia e Shkodrës ka vënë në pranga një 43-vjeçar pasi gjatë një kontrolli u kap me një armë zjarri pistoletë, një krehër dhe disa fishekë.  Nga veprimet hetimore dyshohet se ky shtetas është bashkëpunëtor në disa vjedhje në Shkodër dhe në Malin e Zi. Vijojnë veprimet hetimore, në bashkëpunim edhe me homologët malazezë, për dokumentimin e plotë të veprimtarisë kriminale të këtij shtetasi, identifikimin dhe kapjen e bashkëpunëtorëve.

Njoftimi i policisë:

Shkodër

Finalizohet operacioni policor i koduar “Muriqani”.

Operacioni, nga Komisariati i Policisë Shkodër, në bashkëpunim me Forcën e Posaçme Shqiponja.

U kap në flagrancë me armë zjarri, vihet në pranga 43-vjeçari.

Sekuestrohet arma e zjarrit pistoletë dhe një sasi municioni luftarak.

Shërbimet e Komisariatit të Policisë Shkodër, në bashkëpunim me shërbimet e Forcës së Posaçme Shqiponja në DVP Shkodër, në vijim të punës për goditjen e rasteve të amëmbajtjes pa leje, bazuar dhe në informacionet e marra në rrugë operative, kanë organizuar dhe kanë finalizuar me sukses operacionin policor “Muriqani”.

Si rezultat i këtij operacioni u arrestua në flagrancë, për veprën penale “Mbajtja pa leje e armëve luftarake dhe e municionit”, shtetasi:

K. K., 43 vjeç, banues në fshatin Muriqan, Shkodër.

Ky shtetas është kapur nga shërbimet e Policisë, në një lokal në fshatin Muriqan, Shkodër, me një armë zjarri pistoletë, një krehër dhe disa fishekë.

Nga veprimet hetimore dyshohet se ky shtetas është bashkëpunëtor në disa vjedhje në Shkodër dhe në Malin e Zi. Vijojnë veprimet hetimore, në bashkëpunim edhe me homologët malazezë, për dokumentimin e plotë të veprimtarisë kriminale të këtij shtetasi, identifikimin dhe kapjen e bashkëpunëtorëve.

Materialet proceduriale i kaluan Prokurorisë pranë Gjykatës së Shkallës së Parë Shkodër, për veprime të mëtejshme./albeu.com

Shtuar 2.06.2022 09:29