Ish-presidenti amerikan Donald Trump mbërriti në një gjykatë në Manhattan këtë të enjte për mbylljen e argumenteve në gjyqin e mashtrimit civil kundër tij dhe kompanisë së tij, duke përfunduar muaj të tëra procedurash gjyqësore.
Letitia James, prokurorja e përgjithshme e Nju Jorkut argumentoi në fillim të këtij muaji se Trump duhet të paguajë 370 milionë dollarë për përfshirje në mashtrime financiare gjatë 10 viteve te fundit.
Shuma është dukshëm më e lartë se 250 milionë dollarët që James kërkoi fillimisht kur ajo ngriti padinë në 2022.
Trump kishte kërkuar të jepte vetë argumentet përfundimtare në gjyq, por gjykatësi Arthur Engoron, e refuzoi kërkesën e ish-Presidentit.
Gjykatësi refuzoi gjithashtu kerkesen e avokatit të ish presidentit për të vonuar argumentet përfundimtare për shkak të vdekjes së nënës së Melani Trump.
