Carlo Ancelotti ka dhënë shumë leksione futbolli dhe jete përmes konferencave të tij për shtyp. Pak më shumë se një vit më parë, në Vitoria, ai e cilësoi Nacho Fernandez si një mbrojtës pesimist.
Më pas, pas ndeshjes kundër Juventusit në Los Anxhelos këtë verë, trajneri italian e quajti treshen e mesfushës së Real Madridit një legjende urbane.
“Unë i quaj Casemiro , Toni Kroos dhe Luka Modric “Trekëndëshi i Bermudës”, sepse në pjesën e tyre të fushës topi zhduket,” tha Ancelotti .
Trajneri i Real Madridit i përket një brezi që u rrit me libra dhe filma për zhdukjen misterioze të avionëve dhe anijeve në trekëndëshin e formuar nga Bermuda, Porto Riko dhe bregu i Majamit.
Ai iu referua atij rasti paranormal pas fitores 2-0 ndaj Juventusit për të nxjerrë në pah një mesfushë unike.
Duke parë të kaluarën, pseudonime të tilla zakonisht rezervoheshin për linjat ikonike të sulmit, në vend të tresheve të mesfushës, por mesfusha e Real Madridit është një nga më të mirat në historinë e futbollit.
Në fakt, ata kanë një rast të fortë për t’u konsideruar si më të mirët, pasi ata udhëhoqën “Los Blancos” në katër tituj të Champions League midis 2016 dhe 2022.
Casemiro, Kroos dhe Modric mbeten të rëndësishëm
Përtej pseudonimit, Ancelotti po paralajmëronte ata që kërkojnë zëvendësimin e tyre të afërt se ky nuk është plani i tij, pavarësisht talentit të Aurelien Tchouameni , Eduardo Camavinga dhe Dani Ceballos./h.ll/albeu.com
