Një ngjarje e rëndë ka ndodhur në një kopsht fëmijësh në provincën juglindore Guangdong të Kinës. Një person ka hyrë në ambientet e kopshtit dhe ka sulmuar me thikë të pranishmit atje, të vegjël e të mëdhenj, duke shkaktuar terror e panik.
BBC raporton se si pasojë e sulmit kanë mbetur të vdekur 6 persona, ndërsa është plagosur një person.
Të lidhura
None found
Viktimat janë tre fëmijë, një mësues dhe dy prindër, raportoi AFP, duke cituar një zëdhënëse të qytetit.
Sulmi ndodhi të hënën në orën 07:40 me orën lokale.
Në lidhje me sulmin është arrestuar një 25-vjeçar. Autori është arrestuar në orën 08:00, ndërsa policia e cilëson sulmin të paramenduar dhe të mirë planifikuar./albeu.com/
