Të shtëna me armë zjarri drejt lokalit në Vlorë

Disa të shtëna me armë zjarri janë dëgjuar ditën e sotme në fshatin Poro të Vlorës.

Deri në këto momente nuk raportohet për persona të plagosur, ndërsa policia po shkon në vendngjarje.

Ende nuk dihet kush ka qëlluar dhe nëse ka qenë ndonjë shënjestra për ta ekzekutuar.

Vlorë/Informacion paraprak

Më datë 21.04.2021, rreth orës 18:30, në fshatin Poro, Novosel, në rrethana ende të paqarta, dyshohet se  është qëlluar me armë zjarri në drejtim të lokalit në pronësi të shtetasit Gj. N. Nga verifikimet paraprake të bëra nga shërbimet e  Policisë, nuk ka persona të dëmtuar.

Grupi hetimor dhe sherbimet e Policisë ndodhen në vendngjarje dhe po punojnë për zbardhjen e plotë e rrethanave të ngjarjes, si dhe mbledhjen e çdo prove që do çojë në identifikimin dhe kapjen e autorit/ve.

 

 

Shtuar 21.04.2021 07:04