Tre persona janë vrarë si pasojë e të shtënave me armë zjarri në një qendër tregtare në qendër të kryeqytetit tajlandez, Bangkok.
I dyshuari, 14-vjeçar, është arrestuar.
Në disa pamje në rrjetet sociale janë parë shumë njerëz duke ikur nga qendra tregtare.
Ky objekt, dhe një stacion i afërt metroje, janë mbyllur.
Lexo edhe: VIDEO/ Panik dhe britma, të shtëna me armë në qendrën tregtare, qytetarët vrapojnë të tmerruar
Sulmet me të shtëna masive janë të rralla në Tajlandë, ndonëse përqindja e personave që posedojnë armë është relativisht e lartë për rajonin.
Në tetor të vitit të kaluar, një ish-zyrtar policor pati vrarë të paktën 37 persona, shumica prej tyre fëmijë, në një qendër për fëmijë në provincën Nong Bua Lamfu.
Më 2020, një ushtar i këtij shteti i ka lënë të vdekur 29 persona dhe i ka plagosur dhjetëra tjerë në qytetin Nakhon Ratçasima.
