Politico ka publikuar sot një artikull mbi fatin e Ukrainës nëse rusët arrijnë të vrasin Zelenskyn për shkak të luftës që po zhvillohet me titullin “Çfarë, nëse rusët vrasin Zelenskyn”?
Artikull analizon shqetësimet rreth mundësisë së ekzekutimit të Volodymyr Zelensky, presidentit të Ukrainës, nga ana e Rusisë. Zelensky vetë shprehet se nuk ka luksin që të shpërndahet për të menduar për skenare të tilla dhe se nuk do të izolohet si presidenti rus, Putin, që nuk largohet nga bunkeri i tij, raporton AlbEu.com.
Politico raporton se që nga pushtimi i Ukrainës nga Rusia deri sot, Zelensky është bërë një personalitet-simbol për Perëndimin, duke e vendosur atë në shënjestrën e rusëve. Pas pushtimit, është bërë e ditur se kishte të paktën njëzetë tentativa për të ekzekutuar presidentin ukrainas nga grupet ruse, duke përfshirë çeçenët dhe mercenarët Ëagner.
Edhe pse rreziku duket se është zvogëluar tani, politikanët ukrainas refuzojnë të diskutojnë hapur këtë skenar.
Kjo nuk do të thotë, megjithatë, që nuk ka përpjekje të kujdesshme dhe plane për cdo situatë të mundshme. Për të siguruar vijimin e qeverisjes në rast se Zelensky nuk është në gjendje të ushtrojë detyrat e tij, Ukraina ka përgatitur një proces të quajtur “trashëgimia” ku kompetencat i merr kreu i Parlamentit Rada Verkhovna.
Sipas Politico, grupi “trashëgimtar” do të përbëhet prej kryetarit të parlamentit, Ruslan Stefanchuk, si dhe kryetarit të kabinetit të presidentit, Andriy Yermak, ministrit të Punëve të Jashtme, Dmytro Kuleba, dhe ministrit të Mbrojtjes, Oleksii Reznikov. Të gjithë ata janë pjesë e një ekipi të fortë udhëheqës.
Kjo të kujton ngjarjet historike, të tilla siç ndodhi me Presidentin Lincoln në SHBA, ku edhe pse ekzekutimi pati pasoja emocionale, vendi arriti të qëndrojë i fortë dhe i bashkuar.
Sipas ekspertëve, edhe në rastin e Zelensky, udhëheqja e vendit dhe institucionet e forta do të ndihmonin në ruajtjen e stabilitetit politik të Ukrainës, duke bërë të mundur që kandidatë të tjerë të vijojnë drejtimin pas pushtimit.
Gjithsesi, raporti nënvizon se një humbje e presidentit ukrainas do të ndikonte aleatët e Ukrainës, duke krijuar presion për negociata dhe kompromise. Ndërkaq, për shumicën e ukrainasve, Zelensky është një udhëheqës i shquar në kohë të vështira, dhe ata janë të vendosur për të mbrojtur vendin e tyre. /albeu.com
