Një ndër problematikat më të mëdha në Shqipëri është emigrimi i pakthyeshëm i të rinjve për një jetë më të mirë larg vendlindjes.
Pavarësisht se shifrat e largimeve ilegale dhe legale janë alarmate, Rama nuk e konsideron as problem e as mëkat.
Gjatë një vizite elektorale në Librazhd, Rama tha se largimi i të rinjve nuk është mëkat.
Fjala e Ramës:
Unë e kuptoj sa e rëndësishme është të vazhdojmë me arsimi profesional dhe kolegjet profesionale.
Nuk është mëkat për një vajzë dhe djalë që të largohen nga vendi dhe të shkojnë diku tjetër për të krijuar nëj perspektivë për veten dhe për të provuar një shans për veten por unë dua që edhe kur largohen të rinjtë shqiptarë të kenë një zanat me vete, të jenë të armatosur me dije dhe aftësi dhe të kenë atje një vend të denjë në tregun e punës dhe të mos bien pre e trafikantëve. /albeu.com/
