Një shtetas shqiptar 31-vjeçar u arrestua pasi akuzohet për shpërndarje droge në zonën e Sanit, Itali.
Hetimi nisi pas denoncimit të disa banorëve, të cilët kishin denoncuar se një makinë e dyshimtë kishte ndaluar disa herë poshtë shtëpive dhe më pas ishte larguar sërish, por bënte ndalesa të shpeshta në mes.
Rreth 50 doza kokaine u gjetën brenda një qeseje. Policia ka zhvilluar kontroll edhe në shtëpinë e 31-vjeçarit, duke gjetur 260 gramë të tjera kokainë të ndarë në doza. Në një dollap ata gjetën 155 mijë euro të cilat dyshohen se janë të ardhura nga aktiviteti kriminal.
Përveç shumës, gjatë kontrollit u sekuestrua edhe një Rolex origjinal, me një vlerë të përafërt rreth 20 mijë euro./Albeu.com.
