Teksa lufta në Ukrainë po vijon që prej 24 shkurtit të këtij viti, duket se plani i pushtimit rus ka qenë i ditur që më parë nga Shtetet e Bashkuara të Amerikës.
Presidenti amerikan Joe Biden u informua për planet e Rusisë për të sulmuar Ukrainën muaj përpara fillimit të pushtimit, sipas Washington Post, i cili analizoi atë që tha se ishte rruga drejt luftës në Ukrainë.
Në tetor 2021, këshilltarët e Biden i paraqitën presidentit amerikan në Zyrën Ovale planet e luftës të presidentit rus Vladimir Putin për një pushtim në shkallë të plotë të Ukrainës.
Agjencitë e inteligjencës amerikane kanë përdorur imazhe satelitore, përgjuar komunikime dhe burime njerëzore për të arritur në përfundimin se Putini po grumbullon forcat përgjatë kufirit të Ukrainës me qëllimin për të kapur kryeqytetin Kiev dhe pjesën më të madhe të vendit, duke i lënë Ukrainës vetëm një pjesë të territorit në perëndim.
Si të kundërshtoni një fuqi bërthamore pa shkaktuar një luftë botërore?
SHBA zbuloi gjithashtu se Putini rriti ndjeshëm fondet për operacionet ushtarake, ndërsa ndau më pak para për të luftuar pandeminë e virusit korona.
“Ne vlerësojmë se ata po planifikojnë të nisin një sulm të rëndësishëm strategjik në Ukrainë në të njëjtën kohë nga disa drejtime,” i tha Bidenit gjenerali Mark Milley, kryetar i Shefave të Shtabit të Përbashkët.
Ëashington Post më tej thekson se çdo vendim për të armatosur Ukrainën është marrë në mënyrë që Rusisë të mos i jepet një arsye për të sulmuar SHBA-në dhe NATO-n.
Biden, thuhet, ishte i vendosur të mblidhte aleatët e NATO-s përpara pushtimit pa provokuar një konflikt të drejtpërdrejtë midis Rusisë dhe SHBA-së. Në çantën e tij, Milley mbante një fletore ku renditeshin interesat dhe qëllimet strategjike të SHBA.
“Problemi ishte se si të garantohej dhe zbatohej një rend ndërkombëtar i bazuar në rregulla kundër një vendi me aftësi të jashtëzakonshme bërthamore pa hyrë në një luftë të tretë botërore,” shkruan ËP.
Kujdesi i SHBA-së në armatosjen e Ukrainës ka qenë shpesh një burim zhgënjimi në Kiev, i cili ka kërkuar vazhdimisht armë më të fuqishme, edhe pse autoritetet ukrainase kanë thënë publikisht se dyshojnë se do të ndodhë një pushtim.
Sipas hulumtimit të Post, Biden kërkoi nga drejtori i CIA-s, Ëilliam Burns, t’i jepte një mesazh Putinit – “ne e dimë se çfarë po bëni dhe nëse ka një pushtim, pasojat do të jenë të rënda”, gjë që ai e bëri.
Një mesazh nga kreu i CIA-s për Putinin
Putin, thotë Burns, u ankua për zgjerimin e NATO-s dhe vuri në dyshim legjitimitetin e qeverisë në Ukrainë.
Burns, ish-ambasadori amerikan në Moskë, i tha Bidenit se shqetësimet e tij nuk ishin pakësuar pas bisedimeve me Putinin, por përkundrazi, ishin shtuar.
Zyrtarët ukrainas në të njëjtën kohë u ankuan se, përderisa SHBA po ndante informacione për një pushtim të mundshëm me ta, Uashingtoni nuk po zbulonte të gjitha detajet. Në nëntor, një bashkëpunëtor i presidentit ukrainas Volodymyr Zelensky vizitoi Departamentin e Shtetit, ku u takua nga një zyrtar i lartë amerikan, i cili i ofroi kafe dhe tha i me një buzëqeshje: “Djema, hapni llogore”.
“Kur ia kthen buzëqeshjen”, thotë ministri i Jashtëm ukrainas Dmytro Kuleba, zyrtari amerikan shtoi: “E kam seriozisht, filloni të hapni llogore… Do të sulmoheni. Një sulm në shkallë të gjerë dhe ju duhet të jeni të përgatitur’”.
“Kam kërkuar detaje, nuk ka pasur”, tha Kuleba.
