Ambasada ruse në Britani ka paralajmëruar Mbretërinë e Bashkuar kundër dërgimit të avionëve luftarakë në Ukrainë, pasi Downing Street konfirmoi se Rishi Sunak i ka kërkuar sekretarit të tij të mbrojtjes të hetojë se çfarë avionësh mund t’i japë Londra Kievit, raportojnë mediat shtetërore ruse.
“Një veprim i tillë do të kishte pasoja ushtarake dhe politike për kontinentin evropian dhe të gjithë botën”, tha ambasada, sipas agjencisë shtetërore të lajmeve Tass.
Paralajmërimi erdhi pasi zëdhënësi zyrtar i kryeministrit të Mbretërisë së Bashkuar tha se furnizimi i avionëve britanikë në Ukrainë po konsiderohet nga Ben Wallace.
Më herët, Sunak njoftoi planet për të trajnuar pilotët ukrainas, duke u hapur rrugën atyre që përfundimisht të jenë në gjendje të fluturojnë avionë të sofistikuar të standardeve të NATO-s, por kjo shihet si një ambicie afatgjatë. /albeu.com
