Rusia intensifikon bombardimet gjatë natës në Ukrainë, 16 të vrarë dhe 59 të plagosur

Të paktën 16 civilë janë vrarë dhe 59 të tjerë janë plagosur nga bombardimet ruse në tetë rajone të Ukrainës, sipas Forcave të Mbrojtjes të Ukrainës.

Forca e Mbrojtjes e Ukrainës tha në një deklaratë se “119 vendbanime janë bombarduar me armë të ndryshme duke përfshirë mortaja, tanke, artileri, sisteme raketore.”

Kjo është vala e fundit e sulmeve ruse, pas bombardimeve në disa qytete të Ukrainës të mërkurën, ndërsa udhëheqësi kinez u largua nga Moska pas një samiti që zgjati dy ditë.

Si pasojë e sulmeve të mërkurën, 9 persona humbën jetën./Albeu.com/


Shtuar 25.03.2023 11:46