Vazhdon aksioni për çlirimin e bregdetit shqiptar nga ndërtimet pa leje. Ka qënë vetë kryeministri Rama i cili ka publikuar pamjet e shpërthimit të telekomanduar të një objekti 5 katësh në Dhërmi.
Kreu i Qeverisë ka kërcënuar të gjithë “zaptuesit” e bregdetit që së shpejti do të ketë një ligj për vijën bregdetare së bashku me planin e ti të administrimit të plazheve e të pastërtisë së zonave turistike.
Rama shkruan se operacioni do të vazhdojë pa toleruar askënd ndërsa mes të tjerave thuhet se do të nisin ndëshkimet.
Reagimi nga Edi Rama:
Dhërmi – Operacioni “Bregdeti Ynë”
Rifillon aty ku u ndërpre në qershor për shkak të sezonit turistik, operacioni i pastrimit të bregdetit nga çdo ngrehinë abuzive apo abuzim me lejet e ndërtimit, për të cilat jo vetëm toleranca do të jetë zero, me shembjen e ndërtimeve pa leje, por do të vihen para përgjegjësisë shkelësit e ligjit, në bazë të normave të reja penale për shkeljet në ndërtim?
*së shpejti edhe Ligji i Vijës Bregdetare, së bashku me planin e ri të administrimit të plazheve e të pastërtisë së zonave turistike./albeu.com/
