Kryeministri Edi Rama këtë të shtunë ka qenë në një takim me fermerët e Dibrës.
Rama ka folur me ta për problematikat që këta të fundit kanë hasur.
Kreu i qeverisë theksoi se Dibra do të bëhet qyteti i parë i agropërpunimit. Ndërsa u kërkoi fermerëve që të rrisin prodhueshmërinë dhe llojet e ndryshme të frutave.
Rama u ul këmbëkryq me banorët e zonës, teksa shijoi edhe disa kokrra qershi.
Një fermer i tha se në këtë periudhë nga Dibra janë vjelur 40 herë më shumë fruta në sasi dhe janë përfituar 41 milionë dollarë fitime më shumë se sa vitin e kaluar.
Rama shtoi se me rrugën e Arbrit, Dibra do të futet në tregun e Tiranës, ku do të shiten produktet e fermerëve vendas.
