Presidenti ukrainas Volodymyr Zelensky ka deklaruar se Shtetet e Bashkuara kanë sugjeruar organizimin e një takimi trepalësh me Ukrainën dhe Rusinë, ku Emiratet e Bashkuara Arabe do të shërbenin si vend pritës. Synimi i bisedimeve është shqyrtimi i mundësive për t’i dhënë fund luftës.
Të lidhura
None found
“Pala amerikane ka propozuar një takim në nivel teknik, në format trepalësh”, u shpreh Zelensky para gazetarëve.
Sipas presidentit ukrainas, Kievi pret që Uashingtoni të propozojë datën e zhvillimit të takimit. Emiratet e Bashkuara Arabe janë përmendur si një prej lokacioneve të mundshme, raportoi “Reuters”.
Gjatë kësaj jave, Zelensky u takua me presidentin amerikan Donald Trump në kuadër të punimeve të Asamblesë së Përgjithshme të Kombeve të Bashkuara në Nju Jork. Ai tha se diskutimet u përqendruan te mënyrat për t’i dhënë fund konfliktit, i cili nisi pas pushtimit të plotë rus të Ukrainës në shkurt të vitit 2022.
Ndërkohë, Kremlini ka bërë të ditur se një takim trepalësh mes Ukrainës, Shteteve të Bashkuara dhe Rusisë mund të mbahet së shpejti.
Zelensky zbuloi gjithashtu se i kishte kërkuar Trumpit ta përfshinte çështjen e luftës në Ukrainë në bisedimet me presidentin kinez Xi Jinping, i cili vizitoi Shtetet e Bashkuara.
Presidenti ukrainas theksoi se ende nuk ka marrë përgjigje nga ekipi amerikan, veçanërisht lidhur me përpjekjet për uljen e tensioneve përpara dimrit.
