Profesori amerikan Alon Ben-Meir ka reaguar në Facebook pas vrasjes së Arlinda Zekajt në Kosovë, duke akuzuar institucionet për dështim në mbrojtjen e grave nga dhuna në familje.
“Kosova kaloi përmes luftës, përndjekjes dhe vuajtjeve të paimagjinueshme gjatë përpjekjes së saj për liri. Gratë ishin ndër grupet që paguan çmimin më të rëndë. Megjithatë, sot ato vazhdojnë të vriten brenda shtëpive të tyre, ndërsa institucionet përgjegjëse për mbrojtjen e tyre dështojnë në mënyrë të përsëritur. Vetëm gjatë këtij viti, raportohet se tetë gra kanë humbur jetën si pasojë e dhunës në familje.
Të lidhura
None found
Arlinda Zekaj iu drejtua autoriteteve duke kërkuar mbrojtje dhe i paralajmëroi se jeta e saj ishte në rrezik. Tri ditë pas telefonatës së saj të fundit, ajo u vra me sëpatë nga kunati, pasi po përpiqej të merrte djalin e saj, i cili i ishte marrë nga familja e bashkëshortit”, shkroi ai.
Ben-Meir e cilësoi këtë ngjarje si një turp kombëtar.
“Ky është një turp kombëtar. Një vend që ka luftuar për lirinë e tij nuk duhet të lejojë kurrë një realitet ku grave u mohohet liria më themelore: e drejta për të jetuar.”
