Presidenti meksikan Andrés Manuel López Obrador postoi një foto në llogarinë e tij në Twitter dhe shkroi se figura e paqartë e përshkruar duket të jetë një krijesë mitologjike, një shpirt i dijes popullore.
Sipas Obrador, fotografia e çuditshme është bërë nga një inxhinier meksikan i cili po punonte në një projekt në xhunglat e Gadishullit Jukatan për të ndërtuar një linjë hekurudhore turistike.
“Po ndaj me ju dy foto nga survejimi i projekteve “Tren Maya”. Njëra është bërë tre ditë më parë nga një mekanik dhe duket se tregon një aluks, tjetra është bërë nga Diego Prieto dhe tregon një skulpturë madhështore nga periudha parahispanike”, ka shkruar presidenti meksikan, duke komentuar misticizmin që nxjerrin këto imazhe.
Les comparto dos fotos de nuestra supervisión a las obras del Tren Maya: una, tomada por un ingeniero hace tres días, al parecer de un aluxe; otra, de Diego Prieto de una espléndida escultura prehispánica en Ek Balam. Todo es místico. pic.twitter.com/Tr5OP2EqmU
— Andrés Manuel (@lopezobrador_) February 25, 2023
Fotografia e dytë e postimit të Obrador tregon një reliev të lashtë të një krijese të mbinatyrshme.
Lopez Obrador, i cili sipas mediave meksikane nuk duket se po bën shaka për origjinalitetin e fotos, ka shprehur prej kohësh respekt për kulturat indigjene dhe së shpejti një tren turistik do të fillojë të lëvizë përmes Gadishullit Jukatan, shtëpia e pasardhësve Mayan.