Deputeti i Partisë Demokratike, Tomor Alizoti, komentoi në emisionin Zonë e Lirë përgjimet e reja të Ergys Agasit. Në një bisedë me dy izraelitë, Agasi thotë, ndër të tjera, se drejtuesen e SHISH-it, Vlora Hysenin, e ka shoqe të ngushtë.
Për Alizotin, ajo që dëgjohet në përgjime është e tmerrshme dhe tregon se shteti është vënë në gjunjë. Ai e quajti skandaloze që shefja e shërbimit sekret të jetë, sipas tij, “e kapur” nga një i fortë.
Të lidhura
None found
Deputeti demokrat tha se, nëse drejtuesi i shërbimit sekret bie nën ndikimin e një të forti, pasojat për një shtet janë të rënda. Ai vuri në dukje se sistemet e shërbimeve sekrete kanë qenë serioze edhe gjatë diktaturës, ndërsa çështje që duhej të mbeteshin tepër sekrete po diskutohen në studio.
Sipas Alizotit, në institucionin më të rëndësishëm të vendit për ruajtjen e sekreteve po shfaqet banalitet, gjë që ai e cilësoi si rënie të shtetit.
