Një dyqan në Durrës është përfshirë nga flakët, raporton albeu.com.
Burime nga policia bëjnë me dije se nga zjarri është dëmtuar pronari i dyqanit i cili tashmë ndodhet nën kujdesin e mjekëve jashtë rrezikut për jetën.
“Në orët e para të mëngjesit, në lagjen nr. 13, ka rënë zjarr në dyqanin në pronësi të shtetasit R. M., i cili ka marrë dëmtime të vogla dhe ndodhet nën kujdesin e mjekëve, jashtë rrezikut për jetën. Forcat zjarrfikëse kanë bërë të mundur fikjen e zjarrit. Vijon puna nga grupi hetimor, për zbardhjen e rrethanave të ngjarjes dhe përcaktimin e shkakut të rënies së zjarrit”, njofton policia./albeu.com