Situata në pikën kufitare në Bërnjak edhe sot është e qetë. Prej 1 nëntorit deri më sot, në këtë pikë kufitare, janë shqiptuar mbi 200 fletëqortime për qytetarët, të cilët ende posedojnë automjete me targa ilegale.
Sipas RTK-së, në këtë pikë kufitare, që ndan Kosovën me Serbinë, janë shqiptuar 10 fletëqortime ndaj qytetarëve serbë, të cilët vazhdojnë që në automjetet e tyre të mbajnë targat ilegale KM dhe nuk i kanë zëvendësuar me ato legale, RKS.
Normalisht numri i fletëqortimeve nuk është i lartë, sepse kryesisht janë të njëjtit qytetarë që frekuentojnë këtë pikë kufitare dhe se vetëm një fletëqortim shqiptohet për një automjet me targa ilegale, pavarësisht sa herë ai automjet kalon aty.
