Ministri suedez i mbrojtjes ka thënë se nuk e përjashton dërgimin e tankeve Leopard 2 në Ukrainë nga Stokholmi, pasi Gjermania dha dritën jeshile që ato t’i jepeshin Kievit.
Pas disa javësh presioni nga Ukraina dhe aleatët e tjerë, Berlini më në fund ra dakord të dërgonte 14 tanke Leopard 2, që shihen si ndër më të mirët në botë.
Ky veprim hapi rrugën për vendet e tjera evropiane që operojnë Leopards për të dërguar tanke nga flotat e tyre në Ukrainë.
“Unë nuk e përjashtoj mundësinë që ne mund ta bëjmë këtë në të ardhmen, duke punuar me vende të tjera”, tha ministri i Mbrojtjes Pal Jonson për AFP në një intervistë.
“Ne mund të kontribuojmë në mënyra të ndryshme. Mund të lidhet me logjistikën, mirëmbajtjen, trajnimin, por edhe tanket si të tilla.”
Suedia, e cila ka thyer doktrinën e saj për të mos dorëzuar armë në një vend në luftë, javën e kaluar premtoi një paketë të madhe armësh për Ukrainën, duke përfshirë obuset moderne dhe automjetet e blinduara. /albeu.com
