Presidentja Vjosa Osmani është shprehur se njohja e Kosovës nga Serbia është i vetmi opsion i pranueshëm për nisjen e dialogut mes dy vendeve.
Osmani ka deklaruar këtë të mërkurë se njohja e pavarësisë se Kosovës nga Serbia është e vetmja mundësi që të nisë dialogu sërish mes dy vendeve.
Gjatë një takimi me kryetaren e Komitetit të Helsinkit për të Drejtat e Njeriut në Serbi, Sonja Biserko, Osmani ka thënë se tendenca e regjimit të Beogradit për të rishkruar historinë dëmton përpjekjet për hapjen e kapitullit të ri në raportet ndërshtetërore.
Ajo tha se ballafaqimi me të kaluarën, drejtësia për viktimat e luftës dhe zbardhja e fatit të personave të zhdukur me dhunë janë parakusht për paqe të qëndrueshme në rajon.
E para e shtetit tonë shprehu bindjen se shtetet e rajonit duhet të veprojnë bashkërisht për të parandaluar ndikimin e aktorëve malinj që synojnë minimin e të arriturave drejt integrimit në BE dhe NATO./albeu.com/
