Prezantuesja televizive Anastasia Ivleeva, e njohur gjithashtu si Nastya Ivleeva, organizoi një festë private “Pothuajse të zhveshur” në klubin e natës Mutabor të Moskës festa e cila u bë virale pasi fotot filluan të qarkullojnë në rrjetet sociale.
Nikolai Vasilyev, një reper i njohur si Vacio, i cili mori pjesë duke veshur vetëm një çorape, u burgos me 15 ditë dhe u gjobit me 200,000 rubla (1,716 £).
Arrestimi i z. Vasilyev dhe akuzat për mashtrim kundër zonjës Ivleeva shihen si pjesë e një goditjeje më të gjerë të Kremlinit ndaj të drejtave LGBT+ në të gjithë Rusinë.
Në vitet e fundit, zoti Putin ka dyfishuar konservatorizmin social, duke u kërkuar familjeve që të kenë tetë ose më shumë fëmijë në të njëjtën kohë kur synojnë komunitetin LGBT+ me sanksione brutale.
Një nga pjesëmarrësit u shfaq në mediat sociale për të kërkuar falje.
A ishte e papërshtatshme filmimi i pamjeve që u bënë virale?
“Po, ishte 100% shumë e papërshtatshme. Më vjen keq që ndodhi dhe që nuk mund të kontrollohej”- tha ajo në një video të shpërndarë në faqen e saj në Instagram me mbi 18 milionë ndjekës.
Zonja Ivleeva, e cila mori pjesë në festën e veshur me bizhuteri me vlerë 23 milionë rubla (195,968 £) në një kohë kur shumë rusë po luftojnë për t’ia dalë mbanë, tha se ajo planifikoi të dhuronte një pjesë të të ardhurave nga festa për bamirësi.
Autoritetet ruse kanë hapur një hetim tatimor kundër saj që mbart një dënim të mundshëm pesë-vjeçar burg, dhe një gjykatë në Moskë ka pranuar një padi nga një grup individësh duke kërkuar që ajo të paguajë një miliardë rubla (8.51 milion £).
