Ish-konkurrentët e “Për’puthen 3”, Mikela Pupa dhe Erioni u deklaruan për njëri-tjetrin dhe u shprehën më pas në çdo intervistë se ishin shumë të dashuruar.
Por mesa duket kjo dashuri nuk zgjati shumë pasi duket se dyshja i ka dhënë fund lidhjes. Ka qenë Mikela ajo që ja ka vënë vulën ndarjes me anë të një përgjigje drejtuar një pyetjeje nga ndjekësit në Instagram.
“Shumë pyetje mbi këtë temë… Nuk dua të flas, por fakti që s’na keni parë bashkë është një përgjigje.”- është përgjigjur Mikela duke mos e thënë troç se kemi një ndarje por e ka pranuar se nuk takohet më me Erionin.
Por thumbat nuk kanë munguar pasi me anë të një tjetër postimi në Instastory Mikela ka ironizuar gjithë të interesuarit për marrëdhënien e saj me Erionin.
“Gëzuar për ty që rri gjithë natën zgjuar dhe nuk flet me askënd, edhe një dolli për ata që futen na kontrollojnë profilin”, ka shkruar Mikela.
