Shirat me intensitet të lartë dhe moti i keq kanë bërë që bregdeti i Sarandës të “pushtohet” nga mbetjet.
Mbetjet në det vijnë nga lumenjtë Kalasë dhe Bistricë që derdhin në Gjirin e Sarandës tonelata mbetjesh çdo vit.
Këto mbetje kanë dalë në breg pikërisht në një kohë ku në të gjithë vendin kryeministri Edi Rama ka nisur një aksion për pastrimin e Shqipërisë. Por mesa duket, ndotja masive nuk është vetëm në tokë, por edhe në ujëra.
Pushteti vendor duhet të marrë masa ndaj ndotësve dhe të sigurojë infrastrukturën e nevojshme për grumbullimin dhe përpunimin e mbetjeve./albeu.com
