Ministria e Shëndetësisë ka publikuar një tjetër përditësim për personat që kanë kërkuar ndihmë mjekësore pas lëndimeve të marra gjatë protestës studentore.
Sipas të dhënave zyrtare, në SUT janë paraqitur 9 protestues, 4 efektivë dhe 1 kalimtar, të cilët po marrin trajtim.
Të lidhura
None found
Nga 9 protestuesit, 1 është shtruar në spital, ndërsa 3 të tjerë janë mjekuar dhe më pas janë larguar.
Për sa u përket efektivëve, 2 prej 4 personave të paraqitur kanë marrë ndihmën mjekësore dhe janë larguar nga spitali.
Ndërkohë, në spital është paraqitur edhe një kalimtar.
QSUT njofton se një efektiv vijon të jetë nën ekzaminim, ndërsa gjendja e tij shëndetësore paraqitet stabël.
