EMRAT/ Me tre shtëpi bari në Angli, bien në pranga 6 shqiptarë

Policia britanike ka “çmontuar” një bandë të krimit të organizuar, pasi në makinën e tyre gjeti gjurmë kanabisi. Oficerët, pas kontrollit gjetën 300 mijë paund kanabis. Një sasi tjetër prej 240 mijë paundësh u gjet në fermat e kanabisit të ngritura në tre shtëpi në Harrogate, North Yorkshire.

Në pranga kanë rënë 6 shqiptarë dhe një 73-vjeçare nga Japonia, Yoko Banks, e cila ishte pronare e një prej shtëpive që ata përdorën për të prodhuar kanabis.

Pas arrestimit gjykata ka dhënë vendim për shqiptarët:

Kreu i bandës Visar Sellaj, 33 vjeç, u dënua me 6 vjet e 9 muaj burg.

Kujtim Brahaj, 50 vjeç, u dënua me 3 vjet e dy muaj burg.

Indrit Brahaj, 27 vjeç, u dënua me 4 vjet e 4 muaj burg.

Bledar Elezaj, 36 vjeç, u dënua me 3 vjet burg.

Erblin Elezaj, 33 vjeç, u dënua me 5 vjet burg.

Andi Kokaj, 23 vjeç, u dënua me 3 vjet burg./albeu.com


Shtuar 18.08.2021 08:41