Presidenti francez Emmanuel Macron njoftoi sot se fëmijët e plagosur ose të sëmurë të Gazës që kanë nevojë për kujdes urgjent mund të trajtohen në Francë nëse kjo është e dobishme dhe e nevojshme, duke siguruar se Franca është e gatshme të pranojë 50 pacientë në spitalet e saj.
Në një mesazh të postuar në Twitter (X), Emmanuel Macron thekson se Franca po mobilizon të gjitha mjetet që ka në dispozicion, kryesisht nga ajri, në mënyrë që këta fëmijë të transportohen dhe trajtohen në Francë.
Presidenti francez iu referua mbërritjes në Egjipt në fillim të javës së helikopterit Dixmude, i cili është shndërruar në një spital lëvizës me kapacitet 40 shtretër për trajtimin e rasteve të rënda dhe transferimin e të plagosurve nëse është e nevojshme.
Një tjetër avion i forcave ajrore franceze do të transportojë gjithashtu më shumë se 10 tonë ndihmë mjekësore dhe dy njësi mjekësore të lëvizshme për të trajtuar 500 të plagosur rëndë secila në fillim të javës.
