Lëkundje tërmeti në Shqipëri, ja sa ishte magnituda dhe epiqendra

Pasditen e kësaj të shtune, në zonën e Komunës së Sinjës, në Bashkinë Berat, është regjistruar një tërmet me magnitudë 3.3 ballë të shkallës Rihter.

Të dhënat paraprake të publikuara nga EMSC, Qendra Sizmologjike Euro-Mesdhetare, bëjnë të ditur se lëkundja sizmike është shënuar në orën 14:43 dhe ka pasur një thellësi prej 5 kilometrash.

Deri në këto momente nuk ka raportime për dëme materiale apo persona të lënduar, ndërsa autoritetet nuk kanë bërë të ditur për probleme të shkaktuara nga kjo lëkundje.