Juventus fitoi trofeun e Coppa Italia të mërkurën pasi mundi Atalanta-n me 2-1 në finale. Sidoqoftë, Juve do të duhet të mbështetet tek këta të fundit në kërkimin e tyre për një vend në Top 4.
Me vetëm një raund që do të luhet në Serie A, Juventus duhet të mundë Bologna-n të dielën dhe të shpresojë që Napoli ose Milan të heqin pikë përkatësisht kundër Hellas Verona dhe Atalanta.
Prandaj, basti më i madh i Zonjës së Vjetër do të ishte një dhuratë nga Bergamo. Por pas rezultatit të natës së kaluar, tifozët e La Dea nuk janë shumë të etur për t’i dhënë Juves ndihmë.
Finalja e Coppa Italia doli të ishte një çështje e fortë, dhe pasi humbi finalen e dytë në tre vjet, mbështetësit e Atalanta-s mbetën të irrituar dhe fajësuan zyrtarët e ndeshjes për disa nga vendimet që nuk shkuan siç duhej.
“Ne e merituam këtë Kupë pas sezonit të shkëlqyer në kampionat, dhe paraqitja e pjesës së parë ishte një shembull i shkëlqyeshëm, ata bënë vetëm dy goditje në portë, Ronaldo nuk u pa”, thoshte një tifoz i Atalanta jashtë stadiumit Mapei.
“Në pjesën e parë ne duhet ta vulosnim atë, pastaj Muriel dhe Ilicic duhet të kishin bërë më shumë,” vuri në dukje një tjetër tifoz i Orobici.
“Le të luajmë me Primavera-n (skuadra e të rinjve) kundër Milan-it, Juve nuk e meriton Champions-in”, sugjeroi padyshim një mbështetës i zemëruar.
Sidoqoftë, duhet të theksohet se Atalanta pritet të japë më të mirën e saj kundër kuqezinjve, pasi një përfundim në vendin e dytë do të dëshmojë të jetë më i miri në historinë e tyre dhe do t’u sigurojë një shpërblim më të madh monetar sesa një vend i tretë ose i katërt.
