Aksi rrugor Qafë Buall–Krastë, i cili shërben si lidhje midis Bulqizës dhe zonës së Martaneshit, u bllokua plotësisht këtë të enjte si pasojë e rënies së një mase të madhe shkëmbore.
Shembja ndodhi në afërsi të pikës së njohur si “Ura e Luçanës”, ku një sasi e madhe gurësh ka zënë rrugën, duke e bërë të pamundur kalimin e çdo lloj automjeti.
Të lidhura
None found
Si rezultat i kësaj situate, disa mjete kanë ngecur në të dy krahët e zonës së prekur, ndërsa drejtuesit e tyre nuk kanë pasur mundësi të vazhdojnë rrugën drejt destinacioneve.
Deri në këto momente nuk raportohet për të lënduar. Trafiku në këtë segment rrugor mbetet i bllokuar.








