Takimi i parë trepalësh midis presidentëve Donald Trump, Vladimir Putin dhe Xi Jinping ka marrë fund në vilën Kylin në Shenzhen të Kinës.
Agjencia ruse e lajmeve TASS bën me dije se bisedimet mes tre krerëve zgjatën rreth një orë e gjysmë. Pas përfundimit të tyre, asnjë nga tre presidentët nuk dha deklarata për gazetarët.
Të lidhura
None found
Menjëherë pas mbylljes së bisedimeve, autokolona e delegacionit amerikan u nis nga rezidenca. Sipas korrespondentëve që shoqërojnë delegacionin amerikan, presidenti Trump pritet të niset për në Shtetet e Bashkuara brenda orëve në vijim.
Pas largimit nga vila Kylin, u publikuan edhe pamjet që tregojnë presidentin amerikan teksa hip në aeroplanin presidencial Air Force One.
Nga ana tjetër, edhe presidenti rus Vladimir Putin u largua nga vendi i takimit. Mediat shtetërore ruse njoftojnë se presidenti kinez Xi Jinping e përcolli personalisht Putinin deri te makina e tij para nisjes.
Ky takim me rëndësi historike u zhvillua në kuadër të samitit të APEC-ut. Në qendër të diskutimeve ishin çështje të mëdha ndërkombëtare, si çarmatimi bërthamor, konflikti në Ukrainë dhe siguria globale.
Në fjalët e tyre hyrëse, të tre udhëheqësit vunë theksin te rëndësia e bashkëpunimit ndërmjet fuqive kryesore bërthamore dhe te nevoja për dialog përballë sfidave ndërkombëtare.
Megjithatë, deri tani nuk është shpërndarë asnjë komunikatë e përbashkët ose marrëveshje konkrete që mund të jetë arritur gjatë këtij takimi.








