Krim i dyfishtë në familje, vjehrri vret nusen dhe dhëndrin, dyshonte se kishin lidhje të fshehtë

Një krim i dyfishtë ka ndodhur në një familje italiane. Raffaele Caiazzo, 44 vjeç vrau dhëndrin (bashkëshortin e vajzës) dhe nusen (bashkëshorten e të birit) pasi dyshonte se ata të dy kishin një lidhje të fshehtë.

Ngjarja ka ndodhur në Sant’Antimo në provincën e Napolit.

Raffaele Caiazzo

Trupat e 29-vjeçarit Luigi Cammisa dhe ai i 24-vjeçares Maria Brigida Pesacane u gjetën midis Piazza Sant’Antonio dhe Via Caruso, i pari në rrugë, i dyti në një apartament.

Raffaele Caiazzo , 44 ​​vjeç dhe vjehrri i të dy viktimave, u dorëzua në komisariat.

Pas krimit të dyfishtë, prej disa orësh ai ndodhej në arrati.  Hipoteza e hetuesve është se ai ka vrarë dhëndrin dhe nusen e tij pasi dyshonte se kishin lidhje.

Burri është babai i bashkëshortëve të dy viktimave. Motër e vëlla, Anna dhe Alfredo u martuan me Luigi Cammisa dhe Maria Brigida Pesacane. Secili prej çifteve ka dy fëmijë./Albeu.com/


Shtuar 8.06.2023 15:36