Konfirmohet! Plumb pas koke, trupi i pajetë në Malin e Dajtit është i Ruzhdi Hoxhës

Trupi i gjetur në Malin e Dajtit është i biznesmenit të zhdukur në Tiranë, Ruzhdi Hoxha. Hoxha kishte humbur çdo gjurmë prej 13 ditësh dhe ishte në kërkim nga policia prej pak ditësh. Burimet bëjnë me dije se policia ka konfirmuar se trupi i gjetur vetëm pak  minuta më parë në malin e Dajtit është i biznesmenit Ruzhdi Hoxha.

Mësohet se fillimisht është gjetur xhupi me gjak dhe pas pak metrash është gjetur edhe trupi i pajetë i biznesmenit. Në operacion janë angazhuar dhjetra efektiv të Drejtorisë Vendore të Policisë së Tiranës, nderkohe trupi është gjetur pranë zonës së njohur si Mali me Gropa, një terren i vështirë për t’u aksesuar.

Dyshohet se ai është qëlluar me armë zjarri nga pas duke i marrë jetën. Kanë qënë familjarët ata që kanë konfirmuar identitetin pasi veshja e trupit të pajetë është e njëjtë me atë të biznemenit në ditën e zhdukjes. Pritet reagimji zyrtar i policisë së Shtetit për të zbardhur më shumë mbi ngjarjen e rëndë. /albeu.com/

 


Shtuar 6.11.2021 12:33