Keni probleme me rënien e flokëve? Ja vitamina që i forcon dhe ushqimet që e përmbajnë atë

Rënia e flokëve është e lidhur me shumë faktorë si trashëgimia dhe statusi hormonal.

Prandaj nuk është e mundur të propozohet ekskluzivisht një zgjidhje apo metodë për forcimin e flokëve pasi faktorët e dobësimit të tyre janë të shumtë dhe të ndryshëm.

Megjithatë, nëse duam të fokusohemi ekskluzivisht tek ushqimi, duhet të theksojmë se është vërejtur se rënia e flokëve është e lidhur me mungesën e biotinës.

Biotina, e njohur edhe si vitamina H (H do të thotë Haar und Haut, që do të thotë “flokë dhe lëkurë” në gjermanisht), është një vitaminë B e tretshme në ujë.

Përdoret në shumë procese metabolike, si tek njerëzit ashtu edhe tek organizmat e tjerë të cilat lidhen me përdorimin e yndyrave, karbohidrateve dhe aminoacideve dhe është i përfshirë në sintezën e proteinave.

Mungesa e biotinës mund të shkaktohet nga marrja e pamjaftueshme nëpërmjet dietës ose trashëgimisë, nëpërmjet çrregullimeve gjenetike që lidhen me metabolizmin e biotinës.

Mungesa subklinike mund të shkaktojë simptoma të lehta si rrallimi i flokëve, thonjtë e brishtë ose skuqje të lëkurës, zakonisht në fytyrë.

Në të kaluarën rekomandohej përdorimi i shampove dhe xhelit të pasuruar me biotinë. Por më pas, preferohej marrja e biotinës nga ushqimi.

Ushqimet e pasura me biotinë janë arrat, produktet e qumështit dhe e verdha e vezës./Albeu.com/


Shtuar 24.05.2023 21:59