Iu gjet kanabis sativa në banesë, arrestohet 30-vjeçari në Fier

Policia ka vënë në pranga një 30-vjeçar në Fier pasi gjatë kontrollit, në banesë i është gjetur 2.3 kg kanabis sativa.

Materialet procedurale i kaluan Prokurorisë pranë Gjykatës së Shkallës së Parë Fier, për veprat penale “Prodhimi dhe shitja e narkotikëve” dhe “Nxitja për përdorimin e drogës”.

Njoftimi i policisë:

Fier

Goditet një tjetër rast i veprimtarisë kriminale në fushën e narkotikëve.

Sekuestrohet lëndë narkotike cannabis sativa, në pranga poseduesi i saj.

Në vijim të punës për parandalimin dhe ndëshkimin e veprimtarisë kriminale në fushën e narkotikëve, nga Specialistët e Seksionit për Hetimin e Narkotikëve në DVP Fier u bë arrestimi në flagrancë i shtetasit G. M., 30 vjeç, banues në Buzmadh, Fier.

Gjatë kontrollit të ushtruar në banesën e 30-vjeçarit, u gjetën dhe u sekuestruan në cilësinë e provës materiale 2.3 kg lëndë narkotike e dyshuar cannabis sativa.

Materialet procedurale i kaluan Prokurorisë pranë Gjykatës së Shkallës së Parë Fier, për veprat penale “Prodhimi dhe shitja e narkotikëve” dhe “Nxitja për përdorimin e drogës”./albeu.com

Shtuar 16.06.2021 12:30