Fadromat e IKMT, policia dhe forcat genio janë rikthyer sërish mëngjesin e sotëm pranë “Prestige Resort”.
Sipas drejtuesve të resortit, policia ka shkuar herët në mëngjes pa paralajmërim dhe kanë detyruar punonjësit të dalin jashtë.
Ende nuk është bërë e ditur arsyeja e kontrollit, por kjo nuk është hera e parë që ndodh.
Po ashtu bëhet me dije se së fundmi OSHEE ka ndërprere energjinë, ndërsa objekti është rrethuar i gjithi me shirit dhe policia nuk lejon askënd të futet brenda.
Në asnjë lloj momenti nuk është dhënë asnjë lloj përgjgije nga drejtuesit e aksionit, ndërsa dy operatorë mediash janë nxjerrë jashtë nga policia duke i kapur për krahësh.
Drejtuesit e Prestige janë në një process gjyqësor për aksionin e gushtit që çoi në prishjen e pishinave të këtij resorti./albeu.com
