Gjykata e Durrësit ka liruar nga qelia Behxhet Zija, përgjegjësi i fabikës së tullave në Maminas që u përfshi nga flakët disa ditë më parë.
Gjykata ka vendosur masën e sigurisë “detyrim paraqitje”, për 67-vjeçarin që akuzohej për mos respektimin e rregullave të mbrojtjes në punë.
Zija në deklaratën e tij ka thënë se kushtet teknike kanë qenë në rregull dhe se problem kanë qenë kushtet e sigurisë.
“Nuk kam lidhje fare me ngjarjen. Kushtet teknike ishin shumë të mira. Ngjarja nuk ndodhi per mosrespemtim e kushteve të sigurisë”, tha përgjegjësi
Ngjarja ndodhi të premten ku për rreth një orë flakët zotëruan ambientet e reja të fabrikës. Zjarrëfikëset ndihmuan për të izoluar përhapjen e mëtejshme të flakëve. Fillimisht u evakuua personeli e më pas u vunë flakët nën kontroll.
Shkak i zjarrit dyshohet se është bërë një shkëndijë elektrike. Fabrikës që do të niste aktivitetin gjatë së premtes i është shkatërruar investimin me vlerë afro 2 milionë euro./albeu.com
