Avichay Adraee, zëdhënësi i ushtrisë izraelite në gjuhën arabe, tha sot se IDF ka hapur sërish “kalimin” për civilët në mënyrë që të largohen nga veriu i Gazës për në jug.
Përmes një postimi në X, Adraee thotë se IDF po lejon një rrugë në rrugën Salah al-Din midis orës 10:00 dhe 14:00 me kohën lokale.
“Për sigurinë tuaj, shfrytëzoni këtë mundësi tjetër për të lëvizur në jug përtej Ëadi Gazës,” thotë Adraee.
Ai shton se “shumë” tashmë po përdorin rrugën, duke postuar video të grupeve të palestinezëve.
Gjithashtu sipas Cogat, një njësi e Ministrisë izraelite të Mbrojtjes ka njoftuar se 70 kamionë që transportonin ndihma humanitare ndërkombëtare kanë kaluar në Gaza përmes kufirit Rafah.
Kamionët, që përmbanin furnizime mjekësore, ushqim dhe ujë, u inspektuan përpara se të hynin nga Egjipti, tha Cogat.
Rreth 500 kamionë në ditë hynin në Gaza para fillimit të luftës. Rreth 1.2 milion njerëz që jetonin në territor tashmë mbështeteshin në ndihma ushqimore, thotë OKB.
/albeu.com
