Fshihet nga YouTube “Bonjour Madame”, çfarë po ndodh mes Mozzik dhe Noizy-t ?

Dy këngëtarët tashmë më të pëlqyerit e momentit janë Loredana Zefi dhe Rigels Rajku i njohur ndryshe me emrin e artit Noizy.

Sukses të madh dhe rekorde klikimesh ka arritur hiti i tyre veror “Heart attack”.

Përveç suksesit ky bashkëpunim i dyshes ka sjellë dhe kunja e reagime të ndryshme nga Mozzik.

Prej disa kohësh po qarkullon në rrjet një video e reperit Cllevio i cili ka një rivalitet të hapur me Noizy-n. Në video reperi ka bërë një deklaratë të fortë për Loredanën dhe Noizyn.

“E dini çfarë mësova sot për Loredanën? E ka kapur Noizy. Për shkak të kësaj Noizy s’flet më me Mozzikun”, ka thumbuar Ahmeti.

Reperi i ka bërë këto aludime përpara se të publikohej bashkëpunimi i Loredanës me Noizyn dhe si duket kjo gjë ka sjellë dhe krisjen e miqësisë mes reperit dhe Mozzik.

Fundi i miqësisë është pasuar me fshirjen e bashkëpunimit të tyre të suksesshëm muzikor të titulluar “Bonjour Madame”. Ky detaj u vu re nga ne ditën e sotme. Duket se Mozzik ka vendosur të shpallë “luftë” të hapur ndaj Noizyt.

Dy reperët i kanë fshirë postimet e tyre me njëri- tjetrin në rrjetet sociale. Nuk e dimë ende nëse Loredana është arsyeja e vërtetë e prishjes së miqësisë mes dyshes.