ITALI– Një aksident tragjik i ka marrë jetën një 30-vjeçari me origjinë shqiptare. Ngjarja ka ndodhur në komunitetin e Gaetës pak pas orës 19:30 të ditës së djeshme. Në aksident janë përfshirë një makinë Smart dhe një Opel Corsa.
Dy persona të tjerë kanë mbetur të plagosur.
Të lidhura
None found
Sipas medieve italiane, Dhurim Shini është i riu me origjinë shqiptare që humbi jetën.
Ai po drejtonte Smartin dhe nuk mundi t’i mbijetonte plagëve të marra.
Në makinën tjetër, Opel Corsa, ndodhej një grua 58-vjeçare e cila drejtonte mjetin dhe një pasagjer. Të dy janë transportuar në spital me plagë të rënda.
Policia po heton për të përcaktuar dinamikën e saktë të aksidentit. /albeu.com
