Ditën e sotme, një ngjarje e rëndë është regjistruar në fshatin Shkopet, ku një grua ka humbur jetën, pasi është rrëzuar shumë pak metra larg digës së Hidrocentralit, duke përfunduar në ujërat e lumit Mat.
Burime nga vendi i ngjarjes, bëjnë të ditur se e moshuara ka qenë duke kaluar nga njëra anë e lumit në anën tjetër, teksa dyshohet se ka humbur ekujlibrin dhe ka rënë në ujërat e lumit, duke humbur jetën në vend.
Në vendin e ngjarjes ka mbërritur autoambulanca, ndërsa trupi i pajetë është nxjerrë nga banorët e zonës.
Nuk dihen ende rrethanat se si ka ndodhur ngjarja, ndërsa grupi hetimor pritet të mbërrijë në vendin e ngjarjes.
