Një çift bashkëshortësh, Mimoza dhe Bilbil Baluku, nga Laçi kanë mbetur të plagosur si pasojë e shpërthimit të një bombole gazi. Ngjarja ka ndodhur mëngjesin e sotëm, 27 nëntor, në lagjen nr.1 të qytetit.
Nga shpërthimi i bombolës së gazit e zonja e shtëpisë ka djegie në 50 % të trupit dhe është dërguar në gjendje të rendë në spitalin e djegieve në kryeqytet.
Djegie të lehta ka pësuar edhe kryefamiljari, por fatmirësisht ndodhet jashtë rrezikut për jetën.
Grupi hetimor ka nisur punën për zbardhjen e shkaqeve të ngjarjes.
Njoftimi i policisë
Rreth orës 08:30, në Laç, në lagjen nr. 2, në një banesë, aksidentalisht ka marrë zjarr një bombul gazi. Për pasojë kanë pësuar djegie në trup shtetasit B. B. 62 vjeç dhe M. B. 61 vjeçe, të cilët ndodhen në spitalin e Traumës Tiranë për asistencën e nevojshme mjekësore, aktualisht jashtë rrezikut për jetën. Grupi hetimor ndodhet në vendin e ngjarjes dhe po kryen verifikimet hetimore për sqarimin e plotë të rrethanave të situatës.
/albeu.com
