Protesta qytetare që kërkon dorëheqjen e kryeministrit Edi Rama dhe largimin e qeverisë ka mbërritur sot në ditën e 27-të, ndërsa në qendër të Tiranës vijon të shënohet pjesëmarrje masive.
Si çdo ditë, një numër i madh qytetarësh pritet të mblidhen në sheshin përpara Kryeministrisë, ku krahas largimit të qeverisë aktuale kërkojnë edhe ndryshimin e asaj që e quajnë “kastë e vjetër politike”, si dhe reformimin e establishmentit që, sipas tyre, ka dominuar jetën politike të vendit prej 36 vitesh.
Të lidhura
None found
Tubimet mbahen çdo mbrëmje. Fillimisht protestuesit grumbullohen para godinës së Kryeministrisë, ndërsa më pas marshojnë nëpër rrugët kryesore të kryeqytetit, duke shprehur pakënaqësitë përmes pankartave, thirrjeve dhe fjalimeve publike.
Pjesëmarrësit nënvizojnë se protestat janë paqësore dhe i shohin ato si një dëshmi të angazhimit qytetar, por edhe të ushtrimit demokratik të së drejtës për të protestuar.
Sipas qytetarëve, vendi ka nevojë për një transformim të thellë politik dhe institucional, si edhe për një model të ri qeverisjeje dhe përfaqësimi.
